IKT-konsulent - 1 års vikariat/engasjement

Ved Norsk Polarinstitutt i Tromsø er det ledig eittårig vikariat/engasjement som IKT-konsulent med mogleg forlenging. IKT-seksjonen har fire fast tilsette og inngår i administrasjonsavdelinga. Seksjonen har ansvaret for innkjøp, drift og vedlikehald av fellesmaskinane og programvaren på instituttet, og i tillegg nettverket for heile Framsenteret. 

Oppgåver

• Klargjering av nye pc-ar
• Brukarstøtte, pc og smarttelefonar
• Feilsøking
• Drift av Symantec Backup Exec
• Drift av nettverksskrivarar 

Kvalifikasjonar

Vi søker ein person med høgare utdanning innanfor relevante fagområde. Lang og relevant praksis kan vega opp for utdanningskravet. Vi ønsker ein sørvisinnstilt og strukturert person som liker lagarbeid, men som også kan jobba sjølvstendig. Det er ønskeleg med erfaring og god kjennskap til Windows Active Directory, Windows og Microsoft Office. Eventuell erfaring med servardrift (Windows/Linux) og drift av administrative system som Agresso og ePhorte blir lagt vekt på. 

Lønn

Stillinga er lønna i kode 1085 avdelingsingeniør / 1087 overingeniør, trinn 51-58 
(f.t. 423 400 – 476 800 kr per år), avhengig av kvalifikasjonar. 

Generelt

Stillinga er plassert ved Norsk Polarinstitutts hovudkontor i Tromsø. Seksjonen driftar også IKT-utstyr ved polarinstituttet sine lokalitetar på Svalbard og i Antarktis. 

Den statlege arbeidsstyrken skal så langt råd er spegla mangfaldet i befolkninga. Vi oppfordrar såleis alle kvalifiserte kandidatar med ulik utdannings-, arbeids- og livserfaring til å søka stillinga. Norsk Polarinstitutt er IA-verksemd. I dette ligg det bl.a. at vi vil tilrettelegga arbeidsplassen etter behov. 

For nærmare opplysningar om stillinga, ta kontakt med seksjonsleiar Ann-Elin Steinsund, 
tlf. 77 75 06 25, eller seksjonsleiar personal Ingrid Schjelderup, tlf. 77 75 06 30. E-post: jobb@npolar.no. 

Søknadsfristen er 29. november 2012. Søknaden må innehalda CV, minst tre referansar og detaljar om relevante kvalifikasjonar og erfaring. Send søknad elektronisk via www.jobbnorge.no. 

All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter den nye offentleglova kan opplysningar om søkaren gjerast offentlege sjølv om søkaren har bede om å ikkje bli ført opp på søkarlista, jf. offentleglova § 25, andre leddet.