Bioforsk er eit landsdekkande forskingsinstitutt med hovudfokus på trygg matproduksjon, reint miljø og auka verdiskaping. Instituttet legg vekt på ei langsiktig ressursforvalting, internasjonalisering og brei kontakt med brukarar og kundar. Bioforsk er til stades i alle landsdelar med om lag 460 medarbeidarar.

Bioforsk plantehelse på Ås har ei rekke forskingsbaserte IKT-tenester for landbruket og til undervisning. Dette inkluderer VIPS (Varsling Innen PlanteSkadegjørere), LMT (LandbruksMeteorologisk Tjeneste), Plantevernleksikonet og Plantevernguiden. VIPS er ei automatisk varslingsteneste for ei rekke sopp og skadedyr i landbruket. Varslinga baserer seg på modellar utvikla eller tilpassa av Bioforsk plantehelse, og brukar klimadata frå LMT. LMT samlar inn landbruksrelevante verdata frå till over 80 målestasjonar plassert sentralt i viktige landbruksområde i Norge.

IKT- utviklar innan landbruk og plantehelse

Ved Bioforsk Plantehelse er det ledig fast stilling som IKT-utviklar innan landbruk og plantevern med tiltreding snarast mulig.

 
Arbeidsoppgåver

• Utvikle IKT-applikasjonar i grenselandet mellom agronomisk/biologisk forsking og praktisk bruk
• Implementere matematiske modellar og algoritmar i operasjonelle IKT-verktøy for landbruket
• Databehandling relatert til klimadata og programmering av modellar, med hovudvekt på modellar for varsling av planteskadegjerarar
• Utvikle applikasjonar for analyse og bruk av elektroniske ‘sensor’-nettverk
• Utvikle internettverktøy for overføring av stadfesta informasjon/observasjon i felt
• Vidareutvikling av databaser og driftsteknisk støtte for eksisterande system, her også mobile applikasjonar
• Delta i utvikling av prosjektidear, søknadsskriving og gjennomføring av nasjonale og internasjonale prosjekter
• Vidareutvikling og vedlikehald av Bioforsk sine nettbaserte tenester
• Bidra i samband med etablering av ny teknisk plattform for IKT i Bioforsk.
• Den tilsette kan bli sett til relevante IKT og dataanalyseoppgåver ved andre senter i Bioforsk ved behov.

Kvalifikasjonar

Søkjarar må ha

• Minimum cand agric, master eller tilsvarande innan biologi eller agronomi
• Minimum 2 års høgre utdanning innan IKT
• Erfaring med elektroniske informasjonssystem for planteskadegjerarar (biologisk informasjon)
• Kompetanse innan matematikk og klimadatahandtering.
• Erfaring med forskingsbasert bruk av IKT
• Erfaring med Linux, Amazon Cloud, PostgreSQL, PHP, Python, Java, Ruby On Rails, OpenLayers, HTML/JavaScript/CSS.

Søkjarar skal kunne kommunisere på norsk (eller anna skandinavisk språk) og engelsk.

I tillegg er det ønskeleg med

• Kompetanse innan verdrivne modellar for biologiske prosesser
• Erfaring med utvikling av kartbaserte tenester på web
• Erfaring med utvikling av applikasjonar og websider for smarttelefonar.

Personlege eigenskapar

• Gode kommunikasjons- og samarbeidsevner
• Resultatorientert, systematisk og nøyaktig
• Initiativrik
• Kan arbeide sjølvstendig, men samtidig være ein god lagarbeidar der ditt bidrag er ein avgjerande suksessfaktor.

Vi tilbyr

• Stillinga vert løna i det statlege lønnsregulativet som rådgiver kode 1434, lønssteg 49-64 (kr. 414.500 - 538.700 pr. år.), eller seniorrådgiver kode 1364, lønssteg 59-71 (kr. 490.600 - 616.000 pr. år). Løna og vert vurdert etter utdanning og erfaring.
• Medlemskap i Statens Pensjonskasse som inneber ei god tenestepensjonsordning, yrkesskade- og gruppelivsforsikring, dessutan tilbod om bustadlån til gunstig rente.

Generelle opplysningar

• Staten legg vekt på mangfald på arbeidsplassen og oppfordrar kvalifiserte kandidatar til å søkja - uavhengig av alder, kjønn, funksjonshemming, nasjonal eller etnisk bakgrunn.
• Bioforsk er ei IA (inkluderande arbeidsliv) -verksemd.
• Vi gjer merksam på at opplysingar om søkjaren kan verta gjort kjent offentleg, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan oppmoda om å verta unnateken frå oppføring på offentleg søkjarliste. Ved vurdering om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. Dersom oppmodinga ikkje vert teken til følgje, vert søkjaren varsla om dette.

Kontaktperson: seksjonsleder Tage Thorstensen, tlf. 402 00 909. 

Søknad med CV skal sendast elektronisk via lenkje på denne sida, "søk stillingen"
Vitnemål og attestar kan takast med ved eit eventuelt intervju, eller leggjast ved elektronisk.

Dersom du har problem med utfylling av elektronisk søknad kan du kontakte kundeservice hos Jobbnorge på kundeservice@jobbnorge.no eller ring telefonnummer 75 54 22 27.