Bioforsk er eit landsdekkande forskingsinstitutt med hovudfokus på trygg matproduksjon, reint miljø og auka verdiskaping. Instituttet legg vekt på ei langsiktig ressursforvalting, internasjonalisering og brei kontakt med brukarar og kundar. Bioforsk er til stades i alle landsdelar med om lag 460 medarbeidarar. 

Bioforsk Midt-Norge er lokalisert på Kvithamar i Stjørdal kommune. Forskingssenteret har hovudansvaret for forsking og utvikling på fagområdet Grovfôr og kulturlandskap i Bioforsk. Vi har også FoU-kompetanse på korn, bær, plantegenetikk, veksthuskulturar, grønsaker, poteter og bioenergi. Bioforsk Midt-Norge har ansvaret for karanteneverksemda i Bioforsk.

Forskar kulturlandskap

Bioforsk Midt- Norge søkjer forskar i 100% stilling innan temaet kulturlandskap og biologisk mangfald. Varigheit; eit til to år. Stillinga er ledig frå årsskiftet 2013/2014. Stillinga er eit vikariat for ein av våre forskarar som har fødselspermisjon.

Forskaren vil vere ein del av forskargruppe innan kulturlandskap og naturmangfald. Endringsprosessar i økosystem påverka av landbruk, beitelandskap, kartlegging og overvaking av viktige naturtypar, biologisk mangfald, nasjonale handlingsplanar og skjøtselstiltak er sentrale og viktige forskingsoppgåver for denne gruppa. For den som får stillinga vil det vere spesielt aktuelt å arbeide med naturovervaking opp mot Naturindeks for Norge (sjå http://www.miljødirektoratet.no/naturindeks/), kartlegging av naturtypar i kulturlandskapet og metodeutvikling opp mot desse oppgåvene, til dømes bruk av data frå fly- eller satelittfoto.

 Ein del reise- og feltaktivitet må påreknast.

Arbeidsoppgåver

• Prosjektarbeid
• Publisering og formidling

Kvalifikasjonar

• Det krevs utdanning minimum på masternivå, innan økologi. Fortrinnsvis dr.gradskompetanse, men søkjarar med annan relevant vitenskapeleg bakgrunn vil også bli vurderte.
• Kunnskap om flora og vegetasjon i Norge vil bli vektlagt.
• Det vil bli lagt vekt på erfaring med prosjektarbeid, vitenskapeleg publisering og anna formidling.
• Søkjarar må beherska norsk (skandinavisk) og engelsk, skriftleg og munnleg.
• Førarkort i klasse B er ein fordel.

Personlege eigenskapar

• Evne til å arbeide sjølvstendig
• Evne til å samarbeide
• Kreativ og inititativrik

Vi tilbyr

• Stillinga vert løna i det statlege lønnsregulativet. Forskar med doktorgrad vert løna i kode 1109, lønsramme 24, lønssteg 57-67 (kr 473.400 - 569.000 pr. år). Forskar utan doktorgrad vert løna i kode 1108, lønsramme 25, lønssteg 47-62 (kr 401.400 - 518.500 pr. år). Løna vert vurdert etter utdanning og erfaring.
• Medlemskap i Statens Pensjonskasse som inneber ei god tenestepensjonsordning, yrkesskade- og gruppelivsforsikring, dessutan tilbod om bustadlån til gunstig rente.

Generelle opplysningar

• Staten legg vekt på mangfald på arbeidsplassen og oppfordrar kvalifiserte kandidatar til å søkja - uavhengig av alder, kjønn, funksjonshemming, nasjonal eller etnisk bakgrunn.
• Bioforsk er ei IA (inkluderande arbeidsliv) -verksemd.
• Vi gjer merksam på at opplysingar om søkjaren kan verta gjort kjent offentleg, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan oppmoda om å verta unnateken frå oppføring på offentleg søkjarliste. Ved vurdering om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. Dersom oppmodinga ikkje vert teken til følgje, vert søkjaren varsla om dette.

Kontaktpersonar:
Knut Anders Hovstad tlf 971 21 414,  epost Knut.Hovstad@bioforsk.no, eller Erik Revdal
tlf 959 88 630 epost erik.revdal@bioforsk.no

Søknad med CV skal sendast elektronisk via lenkje på denne sida, "søk stillingen"
Vitnemål og attestar kan takast med ved eit eventuelt intervju, eller leggjast ved elektronisk.

Dersom du har problem med utfylling av elektronisk søknad kan du kontakte kundeservice hos Jobbnorge på kundeservice@jobbnorge.no eller ring telefonnummer 75 54 22 27.